What Is Web Hosting In Hindi : An Ultimate Guide

What Is Web Hosting In Hindi

Hello Dosto! Aaj jis topic par hum discussion karne wale hain, wo hai What is Web Hosting In Hindi ? Agar aap website ya blog create or run karna chahte hain to aapko sabse pehle ek web hosting ki jaroorat padegi?

Par pehle hume yah janana hoga ki web hosting kya hai? Web hosting kitne prakar ke hoten hain? Aur hosting chunate samay hume kin features ko dhyaan me rakhna chahiye? Toh chaliye sikhte hain What is Web hosting in Hindi ?

Also Read :

Web Hosting : Web files and Servers

Kisi bhi website ya blog ko surf / dekhne ke liye hume device (mobile, PC etc.) ko Internet se connect karna padta hai. Ek website ya blog par aapko texts, images, videos aadi dekhne ko milti hai. Ye darasal computer files hoti hain jo html, PHP, java etc. languages me coding ki hui hoti hain. In files ko server pe store kiya jata hai.

Servers special computers hote hain jinhe Internet connectivity ko dhyan me rakhte hue configure ya design Kiya jata hai. Ek server 24 ghante Internet se connected rahta hai.

Web Hosting Providers?

Web Hosting me web se matlab Website ya Blog hai aur hosting se matlab hai Server jahan aapki sites ki files stored hoti hain.

So, Web hosting providers wo companies hoti hain jo hosting ke liye apne servers provide karati hain. In Web Hosting providers ke websites par aapko different packages dekhne Ko milenge. Aapko apni jaroorat ke hisab se unko compare aur choose karna hota hai.

Bluehost, Hostagator, GoDaddy etc ka naam toh aapne suna hi hoga. Yeh sab web hosting providers hain.

Toh agar aapko apna website run karna hai toh pehle aapko ek web hosting lena hoga.

Web Hosting Types

Operating system ke aadhar par web hosting ko hum 2 types me classify kar sakte hain:

  • Windows Web Hosting
  • Linux Web Hosting

Windows web hosting

Isme server windows operating system par kam karten hain. User Interface ke karn windows server par kam karne kafi aasan hota hai.

Linux web hosting

Isme server Linux operating system par kam karten hain.

Kyunki Linux ek open source software hai, yani ye free me available hai, isliye Linux web hosting comparatively cheap hoti hai.

Linux servers jyada stable aur secured hote hain isliye windows servers se jyada popular hain.

Server usage ke aadhar par web hosting ke 3 types hain:

  • Shared Hosting
  • VPS Hosting
  • Dedicated Server Hosting

Shared Hosting

Shared hosting me ek server par kafi sare websites run karte hain. Ye websites server ki resources jaise CPU, RAM etc. ko aapas share karte hain.

Shared hosting me kafi limited resources available rehti hain. Isliye saste hote hain.

Yeh naye aur kam traffic wale websites ke liye suitable hoti hain.

Virtual Private Hosting

Virtual private hosting me ek server ko kuch virtual servers me configure kar diya jata hai. In virtual servers ke websites real server ki resources ko aapas share karte hain lekin function ek individual server ki tarah karte hain.

Dedicated Server Hosting

Dedicated server hosting me aapko ek server par full access milta hai. Sari resources aap apne website ke liye use kar sakte hain.

Isliye in servers par websites bahut accha perform karti hain, aur ye kafi mahnge bhi hote hain. Badi websites ke liye Dedicated web hosting hi suitable rehti hain.

Web Hosting Packages : Kaise Chune best web host ?

Hosting providers aapko yani client ki requirements ko dhyan me rakhkar different hosting ke andar different packages provide karate hain. Aapko wahi package choose karna chahiye jo aapke website ke liye best ho. So, wo kaun se features hain jo aapko dekhne chahiye hosting packages ko compare aur select karte:

Bandwidth

Jab koi aapke website ko access karta hai, surfing ya download karta hai to data transfer hota hai. Data Transfer ke rate ko bandwidth kaha jata hai. Ek server ya hosting ki apni bandwidth capacity hoti hai usse jyada data transfer hone par server failure ho Sakta hai.

Agar aapki site pe jyada traffic aati hai to aapko jyada bandwidth wala Hosting plan choose karna padega warna aapka site ke working me problems ayengi. Bandwidth aapke ount website ya blog ke average page views aur average of page size ka product hota hai.

So, agar aapko website par average monthly views 10,000 hai aur average page size 300 KB hai toh aapko 10,000*300 kB = 3,000,000 KB ya 3 GB monthly bandwidth ki jarurat padegi.

Storage

Yeh server par disk space ka size hai jo aapko Apne website ki files ko store karne ke liye chahiye. Average 300 KB page size ki 200 posts ko host karne ke liye 200*300 KB = 60,000 KB ya 60 MB minimum storage honi chahiye. Aapko CMS, themes, plug-ins etc ke liye bhi storage ki jaroorat hogi.

Websites jo sirf articles and kuch images per post/page host karte hain unko mainly images aur videos host karne wali websites ki tulna me kafi kam storage ki requirement hoti hai.

Number of Domains

Isme me aap kitne sites ko same hosting account par host karna chahte hain wo dekhna hota hai. Jyada sites ko host karne ke liye aapko jyada paise kharch karne honge.

Uptime

Yeh wo time period hai jisme aapka sever operational aur online accessible rehta. Sari companies 99.99% uptime rehne ka dawa Karti hain par kewal reputed companies hi isko handle kar pati hain. Downtime ka apki site ki ranking par bahut bura asar padta hai.

Server location

Nearest server location ko choose karen jisse aapki site ki speed acchi rahe. Yeh bahut hi important ranking factor hai.

Support

Agar aap technical background se nahi toh support aapke liye must hai. Wo hosting chune jo aapki query ka jaldi solutions provide kare.

Security features

kisi bhi hosting ko select karne se pehle uski security features ko jaroor analyse Karen.

Pricing

Begginers ke liye ye most important feature hota hai. Ek jaise packages jo same features offer karte hain unki pricing more or less same hi hoti hai. Hosting sells aur coupons par nazar rakhen.

Shared hosting new blog aur low traffic sites ke liye upyukt hain. Aap aage jakar ise upgrade kar sakte hain. High traffic sites ko VPS hosting or Dedicated server hosting pe hi host karna hoga warna wo kam nahi karengi.

Yeh Web Hosts hain BEST :

Aap aankh moond kar in web hosts ke packages ko apni need ke hisab se select kar sakte hain. Apko acchi service milegi.

  • Blue Host
  • Hostagator
  • Siteground
  • GoDaddy
  • Reseller Club

Conclusion :

India me aajkal blogging kafi famous hai. Jyadatar log ka aim blogging se earning karne ka hota hai. Blogging karna jyada muskil nhi hai par competition har din badhte ja rha hai. Apki site ki ranking par Web Hosting ka kafi asar padta hai. Isliye best hosting hi choose karen.

Ranking nahi toh earning nahi !

Hum umeed karte hain ki aapko yeh article What is Web Hosting in Hindi jaroor pasand aaya hoga. Comment karke apni pratikriya jaroor de.

Leave a Reply

Close Menu